" အာဖရိကမှာဆုံတွေ့ရတဲ့ ထူးခြားသော ကျွန်တော့ မိတ်ဆွေများ (၂) "

               " အာဖရိကမှာဆုံတွေ့ရတဲ့ ထူးခြားသော ကျွန်တော့မိတ်ဆွေများ (၂) "
ယခင်အခေါက်တုန်းက ဒီခေါင်းစဉ်နဲ့ ရေးလိုက်တော့ ကျွန်တော့ဆီ ဝေဖန်သံတွေ အကြံပြုစာတွေ အချို့တုံ့ပြန်လာတာတွေ တွေ့ရတာမို့ ယခုစာကိုဆက်ရေးမိတာပါ။ ကျွန်တော်အဦးဆုံးပြောလိုတာက လောကကြီးမှာ လူကောင်းသူကောင်း ရှားနေပြီလား ဆိုတဲ့အချက် ကိုပါ၊ မှန်သင့်သလောက်မှန်ပါ လိမ့်မယ်၊ ဒါပေမဲ့ လူမျိုးအလိုက် ကွာခြားလိမ့်မယ် ထင်ပါတယ်။ ဥပမာ အာရှတိုက်သားတွေနဲ့ အနောက်နိုင်ငံ သားတွေမတူကြတာအမှန်ပါ။ ယဉ်ကျေးမှု ကွာဟချက် Cultural gap လို့ပြောရမလားပဲ။

ဆက်ဖတ်ရန် »

" အာဖရိကမှာ ဆုံတွေ့ရတဲ့ ထူးခြားသောကျွန်တော့ မိတ်ဆွေများ "

                                                                            
                        " အာဖရိက မှာဆုံတွေ့ရတဲ့ ထူးခြားတဲ့ ကျွန်တော့ မိတ်ဆွေများ "
ကျွန်တော် အာဖရိကတိုက်ကို ရောက်နေခဲ့တာ ၁၉၉၄ ကတဲဆိုတော့ ခုဆို၁၆ နှစ်ကျော်ရှိနေပါပြီ။ အလုပ်သဘောအရ ပဲပြောအုံးတော့ ကျန်တော်နဲ့ တွေ့ထိဆက်ဆံခဲ့ရ သူတွေလည်းမနဲ တော့ဘူးပေါ့။ အမည်းတွေ ဆီနေရောက်တော့ အဓိက ပတ်ဝန်းကျင်က လည်းလူမည်း တွေပါ။ ဒါပေမဲ့ နောက်ပိုင်း ပြန်
စဉ်းစားကြည့်မိတော့ ကျွန်တော်နဲ့ အမှန်တကယ် မိတ်ဆွေအနေနဲ့ ရင်ထဲမှာကျန်ရစ် တာကအမည်း  တစ်ယောက်မှ မဟုတ်ပဲ အဖြူတွေ ချည်းဖြစ်နေတာ ထူးထူးခြားခြား တွေ့မိပါတယ်။

ဆက်ဖတ်ရန် »

" ဗုဒ္ဓဘာသာ ကိုသက်ဝင် ယုံကြည်လာသူ အနောက်နိုင်ငံသားတစ်ယောက်"

            " ဗုဒ္ဓဘာသာ ကိုသက်ဝင်ယုံကြည် လာသူအနောက်နိုင်ငံသား တစ်ယောက်  "


နမီးဘီးယား နိုင်ငံ ရဲ့မြို့တော်က Windhoek ၀င်းဟုတ်ပါ၊  ဂျာမန်နာမည်ပါ။  ၀င်းဟုတ်ရဲ့ Pioneer Park လို့ခေါ်တဲ့ လူကုန်တန် ဆိပ်ငြိမ် ရပ်ကွက်တစ်ခုရဲ့ ဂျာမန် အမည်နဲ့ပဲ လမ်းသွယ်တစ်ခုမှာ နှစ်ထပ် တိုက်သစ်လေးတစ်လုံးရှိပါတယ်။ အဲဒီတိုက် လေးရဲ့ မျက်နှာစာမှာ ချိပ်ထားတဲ့ ဆိုင်းဘုတ်လေး မှာ ရေးထား
တာက " Anicca Avenue " ပါ။ "ဗုဒ္ဓ"ဆိုတာ ကိုပင် ကြားပင်မကြားဘူးတဲ့၊ ခရစ်ယန်တွေ ကြီးစိုးတဲ့ ဒီလိုနိုင်ငံ မျိုးမှာဒီစာလေးရဲ့ အဓိပ္ပါယ်ကို သိတဲ့သူ အလွန် ရှားလိမ့်မယ် ဆိုတာသေချာပါတယ်။ ဘာလို့လဲဆိုတော့ Anicca ရဲ့အဓိပ္ပယ်က ပါဋ္ဌိလို "အနိစ္စ" ကနေ အင်္ဂလိပ်လိုကို တိုက်ရိုက်ဘာသာပြန် ထားတာမို့ပါ။ (အနိချ လို့အသံထွက်ပါတယ်)" အနိစ္စ ဂေဟာ " လို့၊ ဘာသာပြန်ရမှာပါ။ ဂျာမန်လည်းမဟုတ် အင်္ဂလိပ်လဲမကျတဲ့ နာမည်မို့ တော်ရုံလူသိဖို့မလွယ်ပါ။

ဆက်ဖတ်ရန် »

" မေ့ဆေးလား ထုံဆေးလား "

                                                " မေ့ဆေးလား ထုံဆေးလား "

                                    လီဆိုသိုရှိ နာမည်ကျော် Lancer Gap တောင်ကြား။
မေ့ဆေး ဆိုတာလူတိုင်း နားလည်ပြီးသားမို့ အထူးရှင်းပြဖို့ လိုမယ်မထင်ပါ။ ထုံဆေးဆိုလည်း လူတွေနဲ့ စိမ်းမယ်မထင်ပါ။ အနဲဆုံး သွားနှုတ်တာ လောက်တော့ ဘယ်သူမဆိုကြုံဘူးပါလိမ့်မယ်။ အမှန်တော့ ထုံဆေးဆိုတာ သွားနှုတ်တာလောက်၊ ပြည်ဖုလေးဖေါက်တာထက်မက အတော်ကျယ်ပြန့်ပါတယ်။ သုံးတတ်တဲ့ လူပေါ်မူတည်ပြီး အသေးအမွှား ခွဲတာကအစ၊ အကြီးစား ခွဲစိတ်မှုတွေမှပါ အသုံးတည့် ပါတယ်။ ဥပမာ အရှင်းဆုံးပြရရင် လူတွေအသိများတဲ့ ခါးရိုးထဲထိုးတဲ့ Spinalဟာလည်း ထုံဆေးအမျိုး စားပါပဲ။ Spinal က လူကိုမမေ့စေပဲ ချက်အောက်ပိုင်း ၀မ်းပိုက်ခွဲစိတ်တာက စပြီးခြေဖျားအထိ ထုံစေတာမို့ ခွဲစိပ်ရာမှာ အတော်အသုံး တည့်ပါတယ်။ ထိုနည်း၎င်းပဲ မေ့ဆေးဆရာဝန်ကသာ ကျွမ်းကျင်မယ်ဆိုရင် သူ့ရောဂါအလိုက် မျက်နှာပိုင်း၊ လည်ပင်းပိုင်း၊ လက်ပိုင်း၊ စတဲ့ ဆိုင်ရာ ဆိုင်ရာ နေရာတွေမှာ ခွဲမယ်ဆိုရင် မေ့ဆေးမလိုပဲ ထိုးနိုင်တဲ့ထုံဆေး အမျိုးအစား တွေတစ်ပုံကြီးပါ။

ဆက်ဖတ်ရန် »

" မေ့ဆေးပေးသင့် မပေးသင့် "

                             " မေ့ဆေးပေးသင့် မပေးသင့် "

                                                  ဘာဆိုသို သားအမိပုံ
ကြာတော့ ကြာသွားပါပြီ ကျွန်တော်တို့ ကျောင်းသားအရွယ် ပဲရှိပါသေးတယ်၊ နာမည်ကျော် လစဉ်ထုတ်မဂ္ဂဇင်း တစ်စောင်မှာပါတဲ့ ခွဲစိပ်ခန်း နောက်ခံဇာတ်လမ်းလေး တစ်ပုဒ်
ကဇာတ်ဝင်ခန်းလေး တစ်ခုပါ၊ စာရေးသူက နိုင်ငံကျော် စာရေး ဆရာမကြီး တစ်ယောက်ပါ။ ဒီဇာတ်လမ်းလေးမှာ အဓိက ဇာတ်ဆောင် အိုဂျီ ဆရာဝန်မကြီးက လူနာကို ခွဲစိပ်ဖို့
အဆင်သင့်ဖြစ်ပြီး တဲ့အခါမှာ မေ့ဆေးဆရာဝန် ကိုမေ့ဆေးပေးဖို့ အမိန့်ပေး လိုက်ပါတယ်တဲ့။ သူ့အမိန့်ကျမှ မေ့ဆေး ဆရာဝန်က သူ့အလုပ်စပါတယ်တဲ့။

ဆက်ဖတ်ရန် »

" ခွဲစိပ်ခံသင့် မခံသင့် (၂) "

                                              " ခွဲစိပ်ခံသင့်မခံသင့် (၂) "

                                  နယ်လှည့် မျက်စိခွဲစိပ် အဖွဲ့နဲ့အတူ ဝေးလံခေါင်းပါးအရပ်တစ်ခုမှာ၊

ပြီးခဲ့တဲ့ အခေါက်က ကျွန်တော်က " ခွဲစိပ်ခံသင့် မခံသင့် " ဆိုတဲ့ စာစုလေးကို ရေးပြီးတဲ့ နောက်မှာ ကျွန်တော့ စာရှုသူများက ကျွန်တော့ကို မေးခွန်းတွေ တရစပ် မေးလာလို့ (အချို့လည်းထိပ်လန့် တကြားပေါ့) ပိုမိုရှင်းလင်း သဘောပေါက် အောင်လို့ခုစာ ကိုဆက်ရေးဖြစ်တာပါ။ အဓိကကတော့ မျက်စိ အတွင်းတိမ် cataract အကြောင်းပါ။ ကျွန်တော် ကလည်း တန်းလန်းကြီး ထားခဲ့တာကိုး။ အမှန်တော့ တိမ်ဆိုတာက ခွဲကိုခွဲ ရမည့်ရောဂါပါ မခွဲပဲပျောက်မယ် ဆိုတာက ရမ်းကုတွေ အပြောပဲဖြစ်ပါလိမ့်မယ်။ ၄င်းစာရေးသူ ဆိုလို တာက တိမ်ကိုမှဲ့မှခွဲဖို့ပါ၊ မှဲ့တယ် ဆိုတာက မိမိရဲ့နေစဉ်လုပ်နေကျ အလုပ်တွေ ဆက်မလုပ်နိုင် လောက်အောင် အမြင်ဆိုးဝါး လာတာကို ဆိုလိုတာပါ။ ဒီနိုင်ငံမှာက ဆန္ဒတွေစောပြီး မမှဲ့မီသွားခွဲကြတာများလို့ သူကဒါကို သတိပေး ထားတာပါ။ မြင်နေသေးတဲ့မျက်လုံးကို သွားခွဲတော့ တချက်လေးတိမ်းစောင်းသွား ရုံနဲ့ ရင်းစားပြန် မရနိုင်တော့ဘူး မဟုတ်ပါလား။

ဆက်ဖတ်ရန် »

" ခွဲစိပ်ခံသင့်မခံသင့်"

                                            " ခွဲစိပ်ခံသင့် မခံသင့် "

                           တောင်စောင်းမှာ ခက်ခက်ခဲခဲ ကွင်းဆင်းဖို့ကြိုးစားနေတဲ့ LFDS Sesna လေး၊
                                            (ပုံပေါ်click လုပ် ပုံကြီးချဲ့ရင် ပြေးလမ်းကိုမြင်နိုင်ပါတယ်)
လွန်ခဲ့တဲ့ ၂နှစ်ကျော်ခန့်က ကိုယ်တွေ့ကြုံခဲ့ရတဲ့ အဖြစ်လေးတစ် ခုပါ။ တစ်နေ့ ကျွန်တော့ခါးအောက်ပိုင်းက ရက်ပိုင်းအတွင်း မခံရပ်နိုင် လောက်အောင် နာကျင်ကိုက်ခဲ လာပြီး၊ လမ်းတောင် ခပ်လှမ်းလှမ်းထက် ပိုမ လျှောက်နိုင်အောင်ဖြစ်သွားတာမို့၊ အရိုးအထူးကုနဲ့ ပြသရပါတယ်။ သူကခါးရိုးမှာ intervertebral disc လို့ ခေါ်တဲ့ အရိုးနု ချပ်ပြားဝိုင်းလေး ပြုတ်ထွက်သွား ပြီးအာရုံကြောမကြီး သွားထောက်နေတယ်လို့ စမ်းသပ် တွေ့ရှိရ တယ်ဆိုပါတယ်။ Prolapse intervertibral disc အရပ်အခေါ်မှာတော့ ခါးဆစ်ပြုတ်သွားတယ်
ခေါ်မယ် ထင်ပါတယ်။ ဒီလိုရောဂါမျိုး ကို ဒီနိုင်ငံမှာ မကိုင်နိုင်တာမို့ တစ်ဖက် တောင်အာဖရိကနိုင်ငံ RSA မှာသွားရောက် အကုသခံဖို့ ဖြစ်လာပါတယ်။ ကျွန်တော့်ကို အစိုးရစားရိတ်နဲ့ RSA နိုင်ငံ Bloemfontein မြို့ က Universitus ဆေးရုံကြီးကို သီးသန့် လူနာတင်ကားနဲ့ ပို့ပေးတာပါ။

ဆက်ဖတ်ရန် »

"ကျွန်တော် နှင့် ကျောင်းဆရာဘ၀ ခဏတာ။"

                                       အမျိုးသားကျန်းမာရေးသင်တန်းကျောင်း
                     
                                       " ကျွန်တော် နှင့် ကျောင်းဆရာဘ၀ခဏတာ "
ကျောင်းဆရာ အလုပ် ဆိုတာက တော်ရုံပါရမီ နဲ့မဖြစ်နိုင်ပါ။ ဆရာကောင်း တစ်ယောက် ဖြစ်ဖို့်ရာမှာ "နာသုံးနာ" နဲ့ပြည့်စုံ ဖို့လိုအပ်ပါတယ်။ "၀ါသနာ" "စေတနာ"   နဲ့ " အနစ်နာ " တို့ဆိုတာ အားလုံး သိပြီး သားပါ။ ကျွန်တော့အဖို့ ကတော့ စေတနာရှိ သော်လည်းပဲ ပထမအချက် တစ်ခု ထဲနဲ့တင် မပြည့်စုံ နိုင်တာမို့ ဘယ်တုန်းကမှ ကျောင်းဆရာ ဖြစ်လာဖို့ အကြောင်းမရှိပါ။ ဒါကြောင့် မို့လည်း ဆေးကျောင်း ပြီးတော့ သင်ကြားရေး ကိုမရွေးပဲ ကုသရေး ကိုမှရွေးခဲ့တာပါ။

                                                    

ဆက်ဖတ်ရန် »

" မေ့ဆေးအငယ်စား "

                                                    "မေ့ဆေး အငယ်စား"

                                       လီဆိုသိုရောက် တရုတ်ဆရာဝန်အဖွဲ့မှအချို့
မြန်မာစကားမှာ "ထမင်းအသက် ခုနှစ်ရက် ရေအသက် တစ်နံနက်" လို့ဆိုရိုးရှိပါတယ်။ ရှင်းနေပြီးသားမို့ အထူးပြော စရာ လိုမယ်မထင်ပါ။ ဒါပေမဲ့ ဒီအထဲမှာ လေအသက် ဘယ်လောက်ဆိုတာမပါ ပါဘူး။ ဟုတ်ပါတယ် သတ္တ၀ါတွေ အသက်ရှင် နိုင်ဖို့ရာအတွက် လေကိုရှူရှိုက်ဖို့လိုပါတယ်။ ကျွန်တော်တို့ လေထုတစ်ခု လုံးကိုရှူဖို့မလိုပါ။ လေဆိုတာက သိပ္ပံနည်းကျ တိတိကျကျပြောရရင်တော့ လေထုမှာပါတဲ့ အောက်ဆီဂျင်ဓါတ် Oxygen O2 ကိုဆိုလိုတာကိုတော့ လူအတော်များများ သိပြီးဖြစ်ပါလိမ့်မယ်။ အသက်ရှင်ဖို့ အဓိကအရေးကြီး တာကသူပါ။  လေ ရဲ့အသက်က ဘယ်လောက်လို့ စာဖတ်သူများ ထင်ပါသလဲ။ ဘယ်လောက်ကြာကြာ အသက်မရှူပဲနေနိုင်မှာလဲ၊ နာရီဝက်လား? ၁၅မိနစ်လား? ၁၀မိနစ်လား? တကယ်တော့ လေရဲ့အသက်က ငါးနစ်ထက်မပိုပါ။ ဒီလောက်တောင် အရေးကြီးပေမဲ့ လေဆိုတာ ဘယ်နေရာသွားရှူရှူ လိုချင်သလောက် အလကားရနေကျ မို့ရှေးလူကြီးတွေ သတိပြုခဲ့ မိဟန် မတူ တာဖြစ်လိမ့်မယ်ထင်ပါတယ်။ ကိုယ်တိုင်စမ်းကြည့်ချင်သပ ဆိုရင်တော့ ပလပ်စတစ်အိပ် ကြီးကြီးတစ်လုံးကို ခေါင်းပေါ် အလုံစွပ်ချပြီး နာရီနဲ့ အချိန်မှတ်ကြည့်နိုင်ပါတယ်၊ သူများပေါ်သွားစမ်းသပ် တာမဟုတ် လျှင်တော့ အန္တရာယ် မရှိလောက်ပါဘူး။

ဆက်ဖတ်ရန် »

လီဆိုသို မှာဝေတဲ့နှင်း

 

ကျွန်တော်ရောက်ခဲ့ဘူးတဲ့ Mohale Dam

  

မှတ်မိပါသေးတယ်၊ ကျွန်တော် နမီးဘီးယားနိုင်ငံ မှာတုန်းကပါ။ အဲဒီတုန်းက ဂျာမန်ဆေးကျောင်းသား တွေနဲ့တစ်နေ့စကားစပ်မိ လို့ကျွန်တော်က (ဆီး)နှင်းကိုတသက် နဲ့တစ်ကိုယ် တစ်ခါမှ မမြင်ဘူးဘူး ဆိုတော့သူတို့အားလုံးက အံ့သြသွားကြတယ်။ သူတို့ဂျာမနီ အလည်လာခဲ့ပါ၊ နှင်းရေအ၀တိုက်ပါမယ်တဲ့။ ဟုတ်တယ်လေ ကျွန်တော် တို့ဆီမှာ နှင်းဆိုတာ ဟိုးမြောက်ဖက်ဖျား ခါခဘိုရာဇီ နားတစ်ဝိုက်လောက် မှာသာ ရှိတတ်တာမို့ ကျွန်တော်ပြော တာလွန်မယ်မထင်ပါ။ နောင်မှာလည်းနှင်းနဲ့ ရေစက်ဆုံဖြစ်
လိမ့်မယ်လို့ ယောင်လို့မျှမတွေးခဲ့မိ တာလည်းအမှန်ပါ။

ဆက်ဖတ်ရန် »

လီဆိုသို မှာကံဆိုးမိုးမှောင်ကျတဲ့နေ့တစ်နေ့

                                         A mountain road in Lesotho
လီဆိုသို Lesotho ဆိုတာက တောင်အာဖရိက နိုင်ငံအတွင်း ကုန်းပြင်မြင့်ကြီး တစ်ခုပေါ် မှာတည်ဆောက် ထားတဲ့ လူဦးရေ ၂သန်း ပင်မပြည့်တဲ့ နိုင်ငံငယ်လေး တစ်ခုပါ၊ တောင်အထပ်ထပ် ၀န်းရံနေတဲ့ နိုင်ငံမို့ Kingdom in the mountains (တောင်တွေ ကြားက ဘုရင့်နိုင်ငံ) လို့လည်း တင်စားခေါ် ဝေါ်ကြပါတယ်။ ကျွန်တော်တို့ ရှမ်းပြည်နယ်နဲ့ ဆင်ဆင်တူပြီး၊ ဒီကတော့ ပိုမြင့်ပါတယ်။ လမ်းပန်း ဆက်သွယ်ရေး အားလုံး ကတောင်ပေါ်လမ်းတွေချည်းပါ။

ဆက်ဖတ်ရန် »

အပြင်လူနာဋ္ဌာန မှာတစ်နေ့တာ

Oshakati State Hospital အသစ်ကြီး ပြင်ပလူနာဋ္ဌာန

၂ဝဝဝ ခုနှစ်၊ ဒီဇင်ဘာလ ၁၆ရက်နေ့၊ နမီးဘီးယားမှာ၊ ပထမဦးဆုံးအကြိမ် အဖြစ်အရေးပေါ် လူနာဌာနမှာ တာဝန်ကျ ဆရာဝန်အနေနဲ့ ကျွန်တော် ထိုင်ဖြစ်ခဲ့ပါတယ်၊ ပြောရမယ်ဆိုရင်၊ ကျွန်တော် ဒီနိုင်ငံရောက်တာ၆နှစ်ကျော်လို့ ၇နှစ်အတွင်း ရောက်နေပါပြီ၊ ဒါပေမဲ့၊မေ့ဆေး ဆရာဝန် တစ်ယောက်အနေနဲ့မို့၊ ကျွန်တော့အဓိကတာဝန် ကခွဲစိပ်ခန်းထဲမှာပါ၊ တစ်ခါ တစ် ရံ အရေး ပေါ်အနေနဲ့ခေါ်မှသာ အရေးပေါ်ဌာနမှာအသက်ကယ် လုပ်ငန်းကို ခဏဝင် လုပ်ပေး ရတတ် တာပဲရှိပါတယ်ပုံမှန်အနေနဲ့တာဝန် မယူရပါ၊ ဒါနဲ့ပဲ မေ့ဆေးဘွဲ့လွန်ရပြီး ကတဲက ပြင်ပလူနာ တွေနဲ့တွေ့ထိမှုမရှိတော့သလောက် ဖြစ်နေတာ၊ဘာလိုလိုနဲ့အနှစ် ၂ဝ ကျော်ပင်ရှိ သွားပါပြီ၊

ဆက်ဖတ်ရန် »

မေ့ဆေး အတွေးအခေါ် လွဲချော်မှု

 မိုးတိမ်တွေအောက်က Mzuzu Central Hospital နောက်ခံ နဲ့ကျွန်တော်

ကျွန်တော် Malawi (မာလာဝီ) နိုင်ငံ တုန်းက အတွေ့ အကြုံ တစ်ခုပါ။ Malawi ဆိုတာက အာဖရိက အရှေ့တောင်ပိုင်းက ကုန်းပိတ် နိုင်ငံတစ်ခုပါ။ ကျွန်တော် နမီးဘီးယားက ၂၀၀၄ ခုနှစ်မှာ ပြန်ထွက်တော့ United Nations Volunteer UNV specialist အနေနဲ့ အဲဒီကို ရောက်သွားတာပါ။

ဆက်ဖတ်ရန် »

" သနားစရာ ဘွတ်(ရှ်)မင်း သားအမိ "

                                                       " သနားစရာ ဘွတ်(ရှ်)မင်း သားအမိ "

အာဖရိကတိုက် ဆိုတာက အကြီးကြီးပါ။ နိုင်ငံပေါင်း ၅၀ ကျော် ၆၀ နီးပါးနဲ့ လူမျိုးစုပေါင်း ရာနှင့်ချီ ရှိတဲ့ အနက် Bushmen (ဘွတ်(ရှ်)မင်း) ဆိုတာကို စာရှုသူ အချို့ ကြားဖူး ဖတ်ဖူး ကြလိမ့်မယ် ထင်ပါတယ်။ မဟုတ်ရင်ပင် လွန်ခဲ့သော ၁၅ နှစ်ခန့်က ရန်ကုန်မှာ နာမည်ကြီးခဲ့တဲ့ The Gods Must Be Crazy ဆိုတဲ့ ရုပ်ရှင် ကားလေးကို ကြည့်ဖူးမယ် ဆိုလျှင် သူတို့ လူမျိုးစုကို မြင်ဖူး သိဖူးကြပါလိမ့်မယ်။

ဆက်ဖတ်ရန် »